Flóra MacKensie rekur matsöluna Sumareldhúsið í fallegu bleiku húsi við höfnina á skosku eyjunni Mure. Hún nýtur þess að elda gómsæta rétti fyrir eyjarskeggja og ferðamenn sem leita þar skjóls fyrir veðri og vindum. Allt leikur í lyndi en þó er eitt sem angrar. Kærastinn, hinn fjallmyndarlegi Joel, er oft fjarverandi vegna vinnu sinnar fyrir auðkýfinginn Colton og Flóru finnst eins og hann leyni hana einhverju.

Sjálfstætt framhald Sumareldhúss Flóru sem sat á metsölulistum á Íslandi mánuðum saman. Önnur bókin í Mure-bókaflokknum.

Notaleg saga eftir skoska metsöluhöfundinn Jenny Colgan sem heillað hefur lesendur um allan heim með hugljúfum, fyndnum og lystaukandi bókum sínum. 

„Hugljúf og heillandi, mig langaði til að stinga af til eyjarinnar Mure. Hreinn unaður.“ Sophie Kinsella