Leyndarmál

Leyndarmál

Leyndarmál

3.200 kr.

Emma Corrigan er komin á beinu brautina í lífinu eftir nokkrar mislukkaðar tilraunir til starfsframa. Hún er vongóð um að geta unnið sig upp í stöðu markaðsstjóra hjá Panther-samsteypunni … verst að hún skyldi sulla trönuberjagosi yfir mikilvægan viðskiptavin á síðasta fundi. Hún á ótrúlega myndarlegan kærasta og umhyggjusaman kærasta … verst að þau hafa ekki sofið saman í óratíma og að hann er djassgeggjari. En Emma er nokkuð sátt við lífið þegar hún lendir í erfiðri flugferð, og meðan flugvélin tekur dýfur og aðrir farþegar leggjast á bæn, missir Emma út úr sér öll sín dýpstu leyndarmál. Eins gott að náunginn við hliðina á henni er ókunnugur og engin hætta á að hitta hann aftur ... eða hvað? Þegar Emma kemur til vinnu eru allir á þönum þar sem stofnandi fyrirtækisins, Jack Harper, er mættur. Tilvera Emmu fer gjörsamlega á hvolf þegar Jack Harper reynist vera ókunni maðurinn úr vélinni. En hvað vill Jack Harper henni eiginlega? Ætlar hann að reka hana? Eða bjóða henni út?

Myljandi fyndin saga um hvernig tilviljanir geta komið fólki í fullkomlega óbærilega vandræðalegar aðstæður, en jafnvel á endanum breytt lífinu til góðs.

Metsöluhöfundurinn Sophie Kinsella er rómuð fyrir stórskemmtilegar persónulýsingar og frábæra sagnagáfu. Áður hefur komið út hjá Angústúru bókin Mitt (ó)fullkomna líf. 

„Sag­an er spreng­hlægi­leg og vel upp­byggð. Hún á án efa heima í bíln­um, úti­leg­unni og bú­staðnum eða bara hvar sem þú ætl­ar að vera í sum­ar­frí­inu.“ Sonja Sif Þórólfsdóttir, Morgunblaðinu

Leyndarmál er bráðskemmtileg bók og hin fullkomna sumarlesning." Katrín Lilja Jónsdóttir, Lestrarklefanum 

  • Can You Keep a Secret? Sophie Kinsella
  • Maríanna Clara Lúthersdóttir þýddi, 2021
  • Kilja, 135 x 200 mm
  • 434 blaðsíður